Šug o' gljiva

 

Za 4 peršone potribno je:
- 1/2 kila gljiva i to šampinjona
- malo konšerve
- 1 veća kapula
- malo soli
- bokunići pancete oli kobasice
Priprema:
Zažutite kapulu ča ste je isickali na bokuniće na biljno uje. Na tu kapulu stivajte bokuniće gljiva i bokuniće pancete oli kobasice; gljive se narafski najprije triba dobro oprat. Dodajte malo košerve, vode, soli. Neka kuva oko po ure, po potribi dodajite vodu i promišajte. Ovi šug morete satrat sam oli š njin učinit pire. Morete i polit manistru š njin, njoke isto, a morete i dodat riž pa da bude rižot o' gljiva, šta god da učinite nećete falit. Narafski, gljive vazest u butigu oli kod poznatog prodavača na pazaru, a ne poč sam brat po šumi ako se u to ne tendiš jerbo jema i otrovnih, e...