Škampi na buzaru ili pedoče na buzaru

 

Za 4 peršone potribno je:
- 1 kil škampi (pedoča)
- 1 dec maslinova uja
- 3 žlice prezle
- 2 deca biloga vina
- 1 srednja pomidora (more i konšerva)
- luk, petrsimul, papar, sol
Priprema:
Teču steplit na špaheru, a poza tega dodajte maslinovo uje, petrsimul (na bokuniće) i škampe ča ste ih oprali i osušili. Dodajte pomidoru ča ste je učinili na bokuniće oli/i konšervu. Poza tega dodat vino i vode (po potribi dok ne pokrije škampe), pa poklopit teču. Malo protresite teču, a nakon par minuti dodajte papar, sol, prezlu. Luk (na bokuniće) se dodaje na kraju (da ne zagorči). I to je češnjak za one ča ne znaju e... Da ne bi falili i tot utirali kapulu. Ajmo ča dalje, jopet poklopit teču, čekat da proključa i poslin tega kuvat još petnaest minuti. E sad, ako kojin slučajen ne znate kako ih izist, morat ćete zvat nekoga ko zna da vas nauči, e... A morete prič i na štagod manje zahtjevno, školjke, pedoče naprimjer. Molin razlikujte njeno visočanstvo mušulu o' pedoče, e... Pedoče ćete učinit na ti isti način, ali brez pomidore (konšerve). Narafski njih triba dobro očistit od svega ča se nakupi po samoj školjki. Kuvate ih dok se ne otvore.