Polubiž s kobasicama

 

Za 4 peršone potribno je:
- 1 kesica polubiži (o' po kila),
- kobasice oli suvo meso,
- malo konšerve,
- manistra, najboje mali šubjoti,
- petrsimul,
- po kapule, 
- sol,
- žlica brašna
Priprema:
Najprvo triba dobro ražentat polubiž, a poza tega ga stivat u vodu i neka kuva. Polubiž pušta pinu koju triba kupit kaciolon, e... Poza tega dodat malo soli, malo konšerve, petrsimul na bokuniće, suvo meso i neka sve kuva oko dvadeset minuti. E poza tega gre manistra, a š njon neka kuva još petnaest do dvadeset minuti. Na kraju se čini zaprška (u pršuli), na biljno uje stavit bokuniće kapule, neka zažuti i tot dodat jednu žlicu brašna. Promišat i sve lipo utirat u teču di van je polubiž i neka kuva još pet minuti. Narafski, kroza svo vrime se dodaje po potribi vode tako da se na kraju more izist žlicon jerbo to i je cilj, pirun je za rižot, e...