Paradižot

 

Potribno je:
- 1 cilo jaje
- po litre mlika
- cukar
- petit beurre keksi (more i koji sličan, ali ovo je najbolje)
- baštunić čikolate
Priprema:
Najprvo ćete kekse učinit na manje bokune i stivat ih na dno terine. Poza tega razbijte jaje i posebno stucite žuti dil u posebnu terinu oli tečicu, a posebno bili u pjat oli terinu. U žuto ćete stivat i dvi žlice oli četri kućarina cukra (dok tučete oli žbatijete). Mliko ulit u teču i neka kuva dok ne uzavrije. Poza tega dodajete u to mliko stučeni (žbaćeni) žuti dil o' jaja. Promišajte. Na kraju pomalo, žlicon utirajite bilo (dok je mliko još na špaheru). Poza tega zalijte kekse s otin ča ste dobili. Navrj svega nagratajte čikolate i kad se mrvu oladi u frižider sa terinon.