Rižot od liganja ili plodova mora

 

Za 4 peršone potribno je:
- po kila lignji (more i lignjuna, a na isti način morete učinit i sa drugin plodovima mora /repice o' škampi, očišćene dagnje, sve to pomišano i slično, kombiniraj kako jemaš mašte/)
- 1 špica luka (ovo je češnjak, za one ča ne znaju da ne bi falili)
- 1 srednja kapula (narafski van Dalmacije/Primorja je ovo luk)
- petrsimul (peršin)
- maslinovo ulje
- pomodora (rajčica) i/ili konšerva (koncentrat rajčice)
- 4 čikarice (male šalice) riži
- malo soli
Priprema:
Nasickanu kapulu ćete u teči zažutit na maslinovon ulju, dodajte i bokuniće petrsimula dok se to događa. Poza tega gre konšerva i/ili bokunići pomidore, bokunići lignji (oli štagod drugo o' čega činite rižot), luk (sad da ne zagorči, e), malo vode (e tu pazite da ne dodate previše jerbo kuvate rižot, a ne juvu). Kapnite malo limuna oli dodajte žlicu kvasine (ocat). Neka van to kuva desetak minuti, a poslin dodajte riž. Narafski, stalno mišajte da se ne zalipi i malo po malo po potribi s vodon, da ne bude ni gusto ni ritko. Kad ste dodali riž tribate još jedno dvadesetak minuti stat kraj špahera i mišat da se ne zalipi. To je ka to. Dodajte još malo soli i papra (ako očete). Ako činite o' sipe morete ubacit i crnilo, pa da van rižot ne bude bili vengo crni.